Аюулгүй байдал, гадаад бодлогын байнгын хороо Улсын Их Хурлын 2026 оны хаврын ээлжит чуулганы хугацаанд 14 удаа, бусад Байнгын хороотой хамтран 4 удаа хуралдаж, эрхлэх асуудлынхаа хүрээнд хамаарах 36 асуудлыг хэлэлцсэн байна. Эдгээр асуудлаас 10 хуулийн төсөл, Монгол Улсын Их Хурлын тогтоолын 1 төслийг нэгдсэн хуралдаанаар хэлэлцүүлэх бэлтгэлийг ханган нэгдсэн хуралдаанд оруулж батлуулснаас гадна олон улсын гэрээ, хэлэлцээр, конвенцын зөвшилцөх 9 асуудлыг шийдвэрлэж, Засгийн газарт санал, дүгнэлт, хуралдааны тэмдэглэлийг хүргүүлжээ.
Ээлжит чуулганы хугацаанд Аюулгүй байдал, гадаад бодлогын байнгын хорооны эрхлэх асуудлын хүрээнд Улсын нисэхийн тухай; Хууль хүчингүй болсонд тооцох тухай; Зэвсэгт хүчний тухай хуульд өөрчлөлт оруулах тухай зэрэг хууль баталсан байна. Түүнчлэн “Нийгмийн хамгааллын тухай Монгол Улс болон Бүгд Найрамдах Австри Улс хоорондын хэлэлцээр”-ийг соёрхон батлах тухай; “Усан доорх соёлын өвийг хамгаалах тухай” ЮНЕСКО-ийн конвенцыг соёрхон батлах тухай; “Цагдаагийн байгууллагын хамтын ажиллагааны тухай” Монгол Улс болон Бүгд Найрамдах Чех Улс хоорондын хэлэлцээрийг соёрхон батлах тухай; “Монгол Улсад агаарын хөлгийн түлш нийлүүлэх тухай” Монгол Улсын Засгийн газар болон Оросын Холбооны улсын Засгийн газар хоорондын хэлэлцээр болон түүнд өөрчлөлт оруулах протоколыг соёрхон батлах тухай; Монгол Улс, Холбооны Бүгд Найрамдах Герман Улсын Сэргээн босголтын зээлийн банк хоорондын “Төвийн бүсийн цахилгаан дамжуулах, түгээх сүлжээний үр ашгийг дээшлүүлэх төслийн III үе шат”-ны зээлийн болон төслийн хэлэлцээрийг соёрхон батлах тухай; Монгол Улс, Олон улсын сэргээн босголт, хөгжлийн банк хоорондын “Эрчим хүч-4” төслийн зээлийн хэлэлцээрийг соёрхон батлах тухай; Монгол Улсын Засгийн газар болон Бүгд Найрамдах Австри Улсын Засгийн газар хоорондын “Санхүүгийн хамтын ажиллагааны хэлэлцээр”-ийг соёрхон батлах тухай зэрэг олон улсын гэрээ, хэлэлцээрийг соёрхон батлах тухай хуулийг баталжээ.
Байнгын хороо 32 хүртэл гишүүний бүрэлдэхүүнтэй байх бөгөөд “Дэд хорооны бүрэлдэхүүнд өөрчлөлт оруулах тухай” Улсын Их Хурлын тогтоолын төслийг бэлтгэж, нэгдсэн хуралдаанаар хэлэлцүүлэн батлуулснаар 29 гишүүний бүрэлдэхүүнтэйгээр ажиллаж байгаа юм. Ээлжит чуулганы хугацаанд тус Байнгын хорооны нийт хуралдааны дундаж ирц 62 хувь байжээ.
Аюулгүй байдал, гадаад бодлогын байнгын хороо ээлжит чуулганы хугацаанд эрхлэх асуудлын хүрээнд “Монгол Улсад агаарын хөлгийн түлш нийлүүлэх тухай Монгол Улсын Засгийн газар болон Оросын Холбооны Улсын Засгийн газар хоорондын хэлэлцээр” болон түүнд өөрчлөлт оруулах протокол; Монгол Улс, Олон улсын сэргээн босголт, хөгжлийн банк хоорондын “Эрчим хүч-4 төсөл”-ийн зээлийн хэлэлцээр; Монгол Улс, Холбооны Бүгд Найрамдах Герман Улсын Сэргээн босголтын зээлийн банк хоорондын “Төвийн бүсийн цахилгаан дамжуулах, түгээх сүлжээний үр ашгийг дээшлүүлэх төслийн III үе шат”-ны зээлийн болон төслийн хэлэлцээр; Монгол Улсын нутаг дэвсгэр дэх эдэлбэр газар болон тэдгээрт байрлах үл хөдлөх хөрөнгийн объектуудын эрхийг Оросын Холбооны Улсын нэр дээр шинэчлэн бүртгэх нөхцөлийн тухай Монгол Улсын Засгийн газар, Оросын Холбооны Улсын Засгийн газар хоорондын хэлэлцээр; Улаанбаатар хотноо 2017 оны 05 дугаар сарын 09-ний өдөр байгуулсан Монгол Улсын Засгийн газар, Бүгд Найрамдах Польш Улсын Засгийн газар хоорондын нөхцөлт зээлийн ерөнхий хэлэлцээрт нэмэлт, өөрчлөлт оруулах тухай хавсралт; Австралийн Холбооны Улсын Сидней хот, БНГУ-ын Франкфурт хотноо Ерөнхий консулын газар байгуулах тухай; Монгол Улсын Засгийн газар болон Бүгд Найрамдах Австри Улсын хоорондын “Санхүүгийн хамтын ажиллагааны хэлэлцээр”; Даян дэлхийн ногоон хөгжлийн институтийн эрх зүйн байдал болон эрх ямба, дархан эрхийн тухай Монгол Улсын Засгийн газар болон Даян дэлхийн ногоон хөгжлийн институт хоорондын хэлэлцээр; Олон улсын эвлэрүүлэн зуучлалын байгууллага үүсгэн байгуулах тухай конвенцод нэгдэн орох тухай зэрэг олон улсын гэрээ, хэлэлцээр, конвенцыг зөвшилцөх асуудлыг хэлэлцэн, шийдвэрлэж, санал, дүгнэлт, хуралдааны тэмдэглэлийг Засгийн газар хүргүүлсэн байна.
Мөн хугацаанд Хууль, тогтоолоор үүрэг, чиглэл болгосон Улсын Их Хурлын шийдвэрийн биелэлтийн тайлан, Гадаад харилцааны яамны 2025 оны үйл ажиллагааны талаарх Гадаад харилцааны сайдын мэдээлэл, Батлан хамгаалах яамны 2025 оны үйл ажиллагааны талаарх Батлан хамгаалахын сайдын мэдээллийг Байнгын хорооны хуралдаанаар сонсож, хэлэлцсэн. Түүнчлэн Зэвсэгт хүчний Жанжин штабын болон Батлан хамгаалахын эрдэм шинжилгээний хүрээлэнгийн үйл ажиллагаатай танилцан, мэдээлэл, танилцуулгыг тус тус сонссон бол Гадаад харилцааны яамны үйл ажиллагаатай танилцан, яамнаас шинээр боловсруулсан хуулийн төслийн талаарх танилцуулгыг Байнгын хорооны гишүүдэд танилцуулжээ.
Байнгын хороо 2026 оны хаврын ээлжит чуулганы хугацаанд дээрх мэдээлэл, танилцуулгыг сонссоноос гадна хууль тогтоох, хянан шалгах үйл ажиллагаанд иргэд, сонгогчид, иргэний нийгмийн байгууллагуудын оролцоог хангах, иргэдээс санал авахад дэвшилтэт арга хэрэгслийг ашиглах эрх зүйн орчныг боловсронгуй болгох арга хэмжээний хүрээнд өргөн мэдүүлсэн, ирүүлсэн хууль тогтоомжийн төслийг D-PARLIAMENT цахим сүлжээнд оруулан, иргэдийн саналыг тухай бүр авчээ. Мөн эрхлэх асуудлынх нь хүрээнд иргэдээс ирүүлсэн 5 өргөдөл, гомдлыг хугацаанд нь шийдвэрлэн хариу өгч, байгууллага, аж ахуйн нэгжээс ирүүлсэн 42 албан бичгийг хууль тогтоомжид заасан журмын дагуу хянан үзэж, хариу өгөх шаардлагатай нийт 35 албан бичгийг холбогдох байгууллагуудад хүргүүлсэн байна.
Улсын Их Хурал ээлжит чуулганы хугацаанд 8 Байнгын хороотойгоор ажилласан бөгөөд Аюулгүй байдал, гадаад бодлогын байнгын хорооны дарга болон гишүүд Байнгын хорооны эрхлэх асуудлын хүрээнд хамаарах асуудлаар гадаад улсын зочид төлөөлөгч, холбогдох албаны хүмүүстэй 17 удаагийн албан уулзалт хийжээ.
Аюулгүй байдал, гадаад бодлогын байнгын хорооны эрхлэх асуудлын хүрээнд
3.Төрийн нууцын тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүд /УИХ-ын гишүүн О.Цогтгэрэл нарын 18 гишүүн/ хэлэлцүүлгийн шатанд байгаа аж.
Эдгээрийн зэрэгцээ Монгол Улсын Засгийн газар болон Бүгд Найрамдах Солонгос Улсын Засгийн газар хоорондын богино хугацааны зорчигчдын тээврийн хэрэгсэл жолоодох болон жолоодох эрхийн үнэмлэхийг харилцан хүлээн зөвшөөрөх, солилцох тухай хэлэлцээрийн төслийг зөвшилцөх; Батлан хамгаалах хамтын ажиллагааны тухай Монгол Улсын Засгийн газар болон Бүгд Найрамдах Солонгос Улсын Засгийн газар хоорондын хэлэлцээрийн төслийг зөвшилцөх; Монгол Улсад Францын хөгжлийн агентлагийг үүсгэн байгуулах, үйл ажиллагааг нь зохицуулах тухай Монгол Улсын Засгийн газар, Бүгд Найрамдах Франц Улсын Засгийн газар хоорондын хэлэлцээрийн төслийг зөвшилцөх зэрэг асуудал хэлэлцүүлгийн шатанд байгаа юм хэмээн Улсын Их Хурлын Хэвлэл мэдээлэл, олон нийттэй харилцах газраас мэдээллээ.
The post УИХ: Аюулгүй байдал, гадаад бодлогын байнгын хороо ээлжит чуулганы хугацаанд 18 удаа хуралдаж, 36 асуудал хэлэлцжээ appeared first on Mand.mn.
