Дүүргийн Удирдах ажилтны шуурхай зөвлөгөөн өнөөдөр боллоо. Зөвлөгөөний эхэнд өмнөх хурлаас өгсөн үүрэг даалгаврын биелэлтийг хэлэлцлээ. Үргэлжлүүлэн Дүүргийн Цагдаагийн газар, Дүүргийн Онцгой байдлын хэлтэс, Дүүргийн Эрүүл мэндийн төвийн холбогдох албан хаагчид цаг үеийн мэдээлэл хүргэлээ.
Нийслэлийн шуурхай хурлаас өгсөн үүрэг даалгаврын хэрэгжилтийг хангах асуудлаар холбогдох газар хэлтсийн дарга нарт үүрэг өглөө. Тодруулбал:
-Нийслэлийн хэмжээнд хэрэгжүүлж буй дугуйн болон явган хүний замын засвар, шинэчлэлийн ажлыг Нийслэлийн Замын хөгжлийн газрын бодлого, төлөвлөлттэй уялдуулан зохион байгуулж, ашиглалтын шаардлага хангасан явган хүний замыг хэвээр хадгалах;
-Нийслэлийн боловсролын салбарын хөрөнгө оруулалтын ажлыг эрчимжүүлж, орчны аюулгүй байдлыг хангуулж, боловсролын хүртээмжийг нэмэгдүүлэх;
-Мал, амьтны халдварт болон гоц халдварт өвчнөөс урьдчилан сэргийлэх;
-Улаанбаатар хотын дулаан, ус хангамжийн ашиглалтын хэвийн, найдвартай үйл ажиллагааг хангах, тоног төхөөрөмж, шугам сүлжээний их, урсгал засвар, туршилтыг төлөвлөсөн хугацаанд нь дуусгахыг холбогдох газар хэлтсийн дарга нарт үүрэг болголоо.
The post СХД: Дүүргийн 32, 33, 34 дүгээр хороодын суурьшлын бүсэд байгаа мал бүхий иргэнийг зөвшөөрөгдсөн бүсэд шилжүүлэхийг үүрэгдлээ appeared first on Mand.mn.
