Камбожийн Меконг голоос барьсан, 300 кг жинтэй загас дэлхийн түүхэнд цэнгэг усны хамгийн том загас болон бичигдэж буй талаар эрдэмтэд мэдэгдэв. Өмнө нь 2005 онд Тайландад барьж байсан 646 фунт (293 кг) жинтэй, Меконгийн аварга муур загас дэлхийн хамгийн том гэх “тодотгол« хүртэж байжээ. Меконг гол нь биологийн төрөл зүйлээр баялаг боловч хэт их загас агнуур, далан, бохирдол зэрэг нь эмзэг экосистемд нь сөргөөр нөлөөлж байгаа аж.
Төвдийн өндөрлөгөөс Хятад, Мьянмар, Тайланд, Лаос, Камбож, Вьетнамаар дамжин урсдаг. АНУ-ын Олон улсын хөгжлийн агентлагийн Меконгийн гайхамшгуудыг удирддаг биологич Зеб Хоган зургаан тивийг дамнан, 20 гаруй жил загас судлахдаа цэнгэг усны ийм том загас олж хараагүй тухайгаа ярьжээ.
Эх сурвалж: BBC
Мэдээ Цэнгэг усны хамгийн том загас олджээ үзэхийг хүсвэл News.MN – Мэдээллийн эх сурвалж.
